DĀDESHAH
Ji makkorān mām-e yalān
Bātay modam aysh o galān
Hancv ke sad bargyn golān
Gvn nāz o kehyb o gangalān
Parwāh mabāt tayi bolbolān
Zahr comb o daryā cynkolān
Kashhant pa svzy zymolān
Nālant cv noh bvgyn nalān
Tayi bacc gvn shyri tawkalān
Jvsh o horvsh o walwalān
Garr ant ke tarrant dywalān
Giron tayi zarryn cangolān
Kill'ay modām gvn hambalān
Brahondagyn ham gangalān
Pynđ'ay do brāgyn sannalān
Panjag gvn jāđyn trāmbalān
Hanzār e banday drangolān
Mātkvh o jekkyn combalān
Zyān e kanay ŧellyn yalān
Moptā mahāríyn hammalān
Shyr gorragyn sāheb delān
Svjā mager ca pāgalān
Ayyār o ŧaggyn gvcalān
Dāem damant rvkyn jalān
Brānz e dayant mawjyn delān
Ŧappān e dārant trokkolān*
Cvn bit ke kaptay moshkelān
Shvr ent modām tayi mahpelān
Hawr e naborrant tayi talān
Estinn gvn mastyn trvngalān
Har rvc gwashant tayi manzelān
Kohlāp gvn zebryn gāđalān
Danz e dayant tayi shampalān
Kawr o jagardyn hārmalān
Zhand e kanant tayi jangalān
Bāgāni sabzyn sombolān
Marzant hamā pyshi palān
Shyr gvn shekāri cangolān
Shāhin gvn nakshyn bānzolān
Har rvc hazynant ŧiŧŧalān
Wađđāni berryn māhalān
Cv mā pa gvshān eshkotag
Dvshi nasimā shikketag
Kvhi jođān sar
kashhetag
Makkorān mojān mān pvshetag
Hirtyn shamvrān shanzetag
Tramp esh cv dorrā dranzetag
Shummyn shamālā sar kotag
Wār'i ca wash gwātā zetag
Gvn syāhagā per laggetag
Estinn'i sabzyn jaggetag
Jambar cv dyhā sorretag
Har nymagā āgorretag
Grandā pa haybat gorretag
Ās'i ca cammān parretag
Barkā do dasti cāp jatag
Bir ma drackān canđetag
Estinn cv kvhā lombetag
Molk-ay sarā yr zhombetag
Grānyn ragāmān grobbetag
Āp cv tayābā rombetag
Tuppān-ay saylā saŧŧetag
Makkorān zominn'i maŧŧetag
Cahrāni gardun carretag
Donyā degargun tarretag
Jambar ca kvhān corretag
Sācān-ay gardā borretag
Kvkor cv pazhmā shengetag
Har
poŧŧawy jāhy shotag
Donyā sabāh-ay manzel ent
Garmy mosāper mahtal ent
Mahri tayār o gandal ent
Dymā tahāryn jangal ent
Rāh'i nawashh o gāđal ent
Y zendagi by hāsel ent
Gāhy gam o gāhy gal ent
Nādān cyā cv gāpel ent
Grān jān o sost o tambal ent
Shaytān-ay rombā shāmel ent
Dāem gvn brātā pandal ent
Mānand-e mārā mangal ent
Harkas razā ent ma delā
Brāt-ay sarā byayt y balā
Belli kapit ma gapcalā
Tahnā geron man manzelā
Miri zarynon mahpelā
Y pekr'i nyst ent jāhelā
Zyān e kanon ham gangalā
Rvcy kapon wat ma gelā
Tonn e gerit ma jangalā
Nokk e hoshit mesl-e đalā
Y ebrat ant pa ākelā
Pyshcār e lvŧit awwalā
Byā shāher-e shirin maqāl
Wash zymolyn parhondah gāl
Az man bezir yakk o do gāl
Tamburag-ay grvhān bemāl
Ma majlesy nend o benāl
Shvd ca delā zang-e melāl
Kaptag manā andar hayāl
Yak kessahy bahr-e mesāl
Mir Dādeshāh ebn-e kamāl
Andar balvci rasm o cāl
Bā hemmat o jāh o jalāl
Ma nillag-ay borzyn jebāl
Pād ātkagat sawlyn cenāl
Shāh'i jatag kotb-e shamāl
Bā heshmat o māl o manāl
Qasdi nah at jang o jedāl
Hvn ryzi o katl o ketāl
Svtkag hasaddān bad sagāl
By ehtebāryn kam kojāl
Torsit ca nar shyrā shagāl
Dāti sarā kashh o kashāl
Belli ke bit gār o zawāl
Wash gyg e ben by kill o kāl
Par wat janen cāl wabāl
Y zendagiā āb-e sopāl
Gāhy lođ o gāhy zolāl
Donyā dracky kohna sāl
Gah gonj e dant gah portakāl
Bit ca bonā rvcy nahāl
Kass e nabit boll o golāl
Nayn gork e mānit nayn gazāl
Āher ke
koŧŧant māh o sāl
Gayr az Hodā-e zoljalāl
Parwardegār-e by hamāl
Har cizz e rawt rāh-e zawāl
Tahnā e mānit lā-yazāl
Cv rāwiā dātag habar
Mir Dādeshāh wālā gohar
Ditti ca bad wāhān zarar
Āsyb o ranj o shvr o sharr
Zolm o azyat by kadar
Badnami'esh dātag pa sar
Zahr gept amiryn mo'tabar
Daryā delyn rostam jagar
Zolm e nasaggit shyr-e nar
Par gayratā basti kamar
Gvn doshmenān bit cyr o sar
Gāshyntag ant'i cakk o gwar
Ās'i jatag dar hoshk o tar
Molk'i kotag zyr o zabar
Kot doshmenān makr o honar
zortesh delā hawp o hatar
zāntesh nabit mārā zapar
jangā naloppit nāmewar
arz'esh kotag shāh-ay darā
yrān zominn-ay rahbarā
y yagi ent tayi keshwarā
kaptag ma molkā zāherā
hanni begar āyi sarā
badnām e kant rvcy tarā
svcit jehānā yak barā
hancv ke bark o hangarā
par doshmenāni algarā
gorr o nehyb o ŧakkarā
garden nadāt dengyn narā
mir Dādeshāh-e mardwarā
hancv ke shyryn Cákara
jazm at wati sānđyn sarā
bimm'i nazortag hāterā
pawj o sepāh o lashkarā
mardy satar khod dār e bit
ārām o by āzār e bit
hvnsard o bāz vpār e bit
wakty ke doshmendār e bit
badgu tahā bessyār e bit
zolm o satam dar kār e bit
badnāmi'i sarbār e bit
andysh o pekr'i gār e bit
āher sarā byzār e bit
har wakt ke āyiā wār e bit
āmādah-e paykār e bit
cv azhdehā hvnwār e bit
mardom pa nang o gayratā
par doshmenāni konnatā
bad wāheshāni tohmatā
gendit ke kaptag sheddatā
par doshmenān lađđit watā
par kerdegār-ay hekmatā
rabb-e jalil-ay kodratā
hokm ātkagat az dawlatā
dastur ca ālā hazratā
yagdam bagayr az mohlatā
lashkar bezirit harkatā
kvshesh kanet har suratā
rāhat kanet may mellatā
cy nākasyn nārāhatā
molk'i jatag ma āpatā
gār'i kanet pa ebratā
par hokm-e dasturāt-e shāh
har nymagā rombet sepāh
rvc cv shapā bittag syāh
geptant delyrān đakk o rāh
đah kaptagat mir Dādeshāh
zānti ke mawqa bit tabāh
gvn sahib-e tāj o kolāh
jang e nabit khahi nakhah
kvh e nakenzit dast-e kāh
kot doshmenān y repk o rāh
Shāh e nazānt kayig ent gonāh
Kāder wat ent tahnā gawāh
Man wat basy dittag alam
Az dast-e bad wāhān satam
Jawr o japā o ranj o gam
Nin doshmen-ay dasta ent kalam
Zālem manā kant lājaram
Yāgi mani nāmā rakam
Apsvz ke donyā āher ent
Nvkyn alāmat zāher ent
Marci ca zigā badter ent
Harcy ke zreng o mālwar ent
Garden kolopt o koldor ent
Rāj-ay kamāsh o master ent
Molk-ay sarā zvrāwar ent
Shāhi darān sar daptar ent
Mir o wazir o apsar ent
Drvg'i jehānā bāwar ent
Ā ke nezvr o by kas ent
By tākat o kam dazras ent
Mazlum o wār o bywas ent
Gork-ay dapā mesl-e pas ent
Donyā dagā-ay majles ent
Makr o parybāni ges ent
Jāmi hayālān sham beday
Trondyn ragāmān tam beday
Bvrā damāny dam beday
Hālān padā sarjam beday
DĀDESHĀH2
Gardit pa nawbat rvzegar
Har rvc pa rangy bit tayār
Gāhy hazān gāhy bohār
Rvd-ay raha ent omr-ay keshār
Shāher delā shakkā mayār
May nogdahān gvshā bedār
Yak sāhaty nvdi begwār
Cvn kot yalā āher karār
Mir Dādeshāh-e sar macār
Zānti ke nyst dahrā madār
Donyā namānit pāyedār
Raptag ca dastā ehteyār
Shot ca balvcā ehtebār
Mvkall'i kot nill o sagār
Wayl'i kotant jāh o dawār
Bon piroki molk o dyār
Yr kapt ca drangān nar mazār
Gvn hana o hysh o tabār
Candy deger az byl o yār
Gorrān cv babr-e kvhesār
Pa zāmorānā rahsepār
Pyc pyc warānet mesl mār
Andar mayān-e gir o dār
Kaptag gvn māmurān docār
Pawj o cerik-e by shomār
Wakty ke garm at kārezār
Zortag topangān gomgomār
Tirāni zrombesht o tawār
Donyā ca danzā bit tahār
Cashm-e palak shod por gobār
Sar parretant kvhyn talār
Retkant ca darbandān hasār
Dymā dar ātkag shyr shekār
Jangāni mallyn shahsawār
Shyr zahragyn garden shahār
Pawj'i lapāshān kot cv hār
Caktāb'i dātant cv patār
Prvsht o jati pa yak kenār
Dyrā nabittag entezār
Hancv gervky kot gozār
Shānti pa har dymā sharār
Zhand'i kotant kvh o đagār
Nagah pa parmān-e qadir
Hokm-e hodāwand-e khabir
Shayrāz-ay dymā dar masir*
Cekkāb-ay ābdāryn gadir
Hamrāh'i sestant dir pa dir
Bit az qazā dar dār o gir
Brāt o ayāl-e ān amir
Dar dast-e pākestān asir
Rah dātagat shāh-e kabir
Mahmad razā shāh-e shahir
Dym pa karāci yak sapir
Bandig'i bortant nāgozir
Mard o zan o tepl-e sagir
Bittag basy menta pazir
Lāek-e pākestān nah at
Rvcā bekant rāhā galat
Lvg-ay mayārā by madat
Tahwil bedant pa dast-e wat
Shot az jehānā y sepat
Mardomgari o ma'repat
Dāem najallant māh o rvc
Harkas cedā lađđit
pa kvc
Byā wahdigyn kabrān bekvc
Mortag pa bāhvŧā balvc
Bittag tabāh o sotk o svc
Kosht o koshār o derr o dvc
Nām'esh nemāyān ent cv rvc
Shāhān mayār nyst ent marvc
By sāhegyn drackā besvc
Bāz konŧag o
shvshkyn korvc
Ŧakkartag ant lāshār o rend
Hadd-e jagin tā rvd-e send
Y kast o kynag zend pa zend
Si sāl jang o gend o nend
Y ekhtelāp o borr o send
Pa gawhar-ay herrāni jend
Nā ahl-ay sheklā kas magend
Āyi newānā kas manend
Mirzā Sekandar nā morād
Nām-e neku dātag pa bād
Yād e nakant az rvz-e dād
Ce hemmatā hast at lojād
Kam jor'at o by dast o pād
By sāy at mesl-e jamād
Sesti mayār-ay band o sād
ārām-e del hejbar mabād
hālān sahi bit bāb pa bāb
mir Dādeshāh garden matāb
jang āzemāym shahshanāb
pādāwar o kvhi oqāb
raptag ca sārā jawr jawāb
wārti cv garrā pyc o tāb
wātarr'i kot cost o shetāb
nvsh'i kotag kahr-ay sharāb
rytk'i ca holkā zahr-e nāb
bar gashtagat lawhā ketāb
sesti omydāni tanāb
eshti balvci dvd o dāb
angār'i kot sharm o hejāb
bāz hānah'i kortag harāb
bāz sinah'i kortag kortag kabāb
barpā'i kortag engelāb
rvk'i kotag ās-e azāb
borti karār o ward o wāb
kaptag ma molkān cv kasāb
mahluk'i koshtag by hesāb
āher ze jvsh-e enteqām
darkār'i kortag qatl-e ām
ylan'i kot marg-ay payām
park'i nakot mir o golām
molk'i beham jat entezām
jawr'i kotant nokkā taām
wāb'i kotag cammān harām
gyg at pa jangā al-modām
dāsht'esh hayālā pekr-e khām
dar tank-e sarha-ay maqām
cand apsar-e āli marām
Amrikahi e at ant har kodām
Gvn hānomy Carol pa nām
Katl'i kotant yak jāh tamām
Y hāl shotag ma markazā
Gvn bādeshāh Mahmad razā
Shāh-e shojā o jānfazā
Bittag nehāyat nārazā
Sardār'i bastant mahmazā
Gorr o nehyb-e jāngozā
Gwashti shomārā nyst jazā
Ellā ke zendān-ay sezā
Yak Dādeshāhy az qazā
Kaptag shomay molk-ay bazā
Hancv ke gork andar bozā
Har jāh warānet targazā
By hāŧig et cv ājezā
Yrān shomā kot eftezāh
Laggant manā y ayb o zā
Mehmān mani nājāezā
Katl'i kotant mopt o gwazā
Nin par shomā parz ent gazā
Hokmā manigā gvsh kanet
Gardenkashā cakprvsh kanet
Dozz-ay dawāyā kvsh kanet
Y petnahā hāmvsh kanet
Mirān jawāb dāt pa redā
Arz'esh kotag pa yak sada
Jānā kanen par taw padā
Bwāhi agar pākyn hodā
Svj e kanen kvh o ladā
Har jāh geren naks-ay padā
Balkyn begenden ā badā
Rvcy kapit pa may zadā
Gaŧŧ'i kanen dym o padā
Katl'i kanen mesl-e dadā
Yā hatm e bit tonn o shodā
Gār'i kanen molk-ay radā
Ālam harābyn mopsedā
Yā āh e bit yā mā edā
Mardān gvn shāhā kawl kotag
Labz o karār y đawl kotag
Shāh-ay atyba'esh hawl kotag
Dym par nehenga'esh nawl kotag
Ātkag sarā amr-e qadim
Lāshār-ay sardār Mir Mohim
Mossā o mir Mahmad karim
Issop yalyn mard-e salim
Raptant pa sad ommyd o bim
Gvn lashkar o pawj-e azim
Kvh o garān bittant moqim
Har kas ca zendā bit yakim
Vdā ma hashtkvh-ay bonā
Hiccān-ay zyd-ay dāmonā
Đik lagget ant gvn zahm janā
Mir Dādeshāh kaj gardenā
Shyr tawkalyn prah bātenā
Del gorz o bāsk az āhenā
Jāng e gerit tan be tanā
Mastyn gwarānđ o pācenā
Syahmār gvn garr-e zahrkenā
Kashhit sarā bād-e fanā
Zirit zomin rang-e gwanā
Hancv ke lālyn rvdenā
Warnā pa jangā kastagant
Cv jambarā abrestagant
Srap pad o dymā rastagant
Sānđ ca sarā sar gwastagant
Midyn mohār'esh sestagant
Del ca hasaddān grastagant
Jang'esh pa zedd mān bastagant
Yak bā degar paywastagant
Ātkag qazā-e kon fakān
Bortag barvkyn pollokān
Grand kot watās o tuppakān
Bvj wārt recvkyn nāwakān
Per canđetant kawn o makān
Borzyn zehān wārtag takān
Droshtant dradān omr-ay nekān
Shyptant ma syahyn pylakān
Bāzi yalān hāryntag ant
Hawr'esh hamvd gwāryntag ant
Kynag del-ay sāryntag ant
Gajgyn keshār cāryntag ant
Kāh o kadim wāryntag ant
Shahdād cedo dyma magwash
Dorryn bayānān dar makashh
Donyā-ay rvc panc ant o shash
Drost e gwazant washh o nawashh
Nayn tork e mānit nayn habash
Har zenda jān mawtā becash
Dātag Nabiā y kolaw
Az jāneb-e rabbā pa taw
Gāpel dar in donyā mashaw
Cv byhodān mast o neshaw
Shaytān-ay dombālā maraw
Har kas wati paylān geraw
Kant keshtagyn tohmā deraw
Gandom ca gandom jaw ca jaw
